Hoʻokūkū Hīmeni
  • About the Song
  • Lyrics

    He aloha ku‘u one hānau
    ‘O Ka‘ū Nui hiehie i ka makani
    He home noho mau na ka wahine
    Ka āiwaiwa nani o Kīlauea

    Ho‘oheno i ka wai o Palahemo
    Ia wai ‘āwili me ke kai
    Me ka ua kaulana a‘o Hā‘ao
    Ho‘opulu ‘elo i ka ‘ili o ka malihini

    Hanohano mau nō ‘o Punalu‘u
    I ka wai anu a‘o Pūhau
    I ka ‘ili‘ili hānau a‘o Kōloa
    A me ka nalu holu a‘o Kāwā

    Ha‘ina ‘ia mai ka puana
    No Ka‘ū Nui hiehie i ka makani
    He ‘āina aloha na ke kupa
    A me ka u‘i a‘o Kīlauea

Video image