- Performed at Song Contest 2011
- Directed by Kaipo Dudoit
- Composed by Irmgard Farden Aluli, Pilahi Pākī, Napua Stevens-Poiré, and Inez Ashdown
- Arranged by Robert Uluwehi Cazimero
- Scored 176/204 points
- Performed 2nd of 3 songs
Eō mai e Kaho‘olawe
Moku o ka Pākīpika
Kū i ka moana, i ke kai
Ke ala nō ia i Kahiki
‘O ‘oe nō ka‘u i aloha
Ka ‘ike ‘ana i nā moku lana
Ho‘olana nei ku‘u aloha
Ke aloha nō o nā kai
Ke aloha nō o nā kai
Ke kula ‘ula o Moa‘ula
Nā awāwa o Kamohio
Nā ‘ale kai o Kanapou
Ia ‘āina i aloha nui ‘ia
Ma luna o ka lio holopeki
Ka ‘ike aku i ka li‘ulā
Ho‘opā mai ana i ka moa‘e
Ka makani ‘olu o ka ‘āina
Ka makani ‘olu o ka ‘āina
Ha‘ina ka inoa i lohe ‘ia
No Kaho‘olawe lā he inoa
Kū i ka moana i ke kai
Ke ala nō ia i Kahikikū
Ia ‘āina i aloha nui ‘ia
E ola nā kini pua o Hawai‘i nei
Ha‘ina hou mai ana ka puana
Eō mai ‘oe i kou inoa
Eō mai ‘oe i kou inoa
Source: Song Contest 2011 program
Something doesn't look right? Any missing info to share? Get in touch
