Kakaʻako Kuʻu ʻĀina Aloha

• About the Song
  • Performed at Song Contest 2012
  • Scored 193/204 points
  • Directed by Kamahaʻo William Mililani Iona
  • Composed by Kaiponohea Hale
  • Arranged by Les Ceballos
  • Performed 1st of 4 songs
• Awards
  • Helen Desha Beamer Award
    Best musical performance
• Lyrics

  Maika‘i ku‘u maka ke ‘ike aku
  I ka beauty o Kewalo i ka la‘i
  Me ka pā aheahe a ka makani ‘Ao‘aoa
  ‘Olu‘olu i nā ‘ale kuehu o Māmala
  Nani Kou i ka ua Kūkalahale
  Ho‘opulu i ka ‘ili o ke kama‘āina
  Kaulana ka inoa Ka‘ākaukukui
  Kaka‘ako ku‘u ‘āina aloha
  Kaka‘ako ku‘u ‘āina aloha

  He aloha ka mana‘o no Honuakaha
  Kula hiehie no nā iwi kūpuna
  Hoihoi ka helena ma ke ala Kuloloia
  Aia Honoka‘upu, ka nohona o nā lani
  A laila huli aku nānā i uka
  Pūowaina kū wale i ka hano
  Kahi ho‘okipa mau i nā kini lehulehu
  Kaka‘ako ku‘u ‘āina aloha
  Kaka‘ako ku‘u ‘āina aloha

  He ‘alohi nō ka lā i Pu‘unui
  Nā kukuna kau i luna o ke ao
  Uhi mai ka mehana i Kaholoakeāhole
  A hiki i ka poli o Kukuluāe‘o
  He makana ho‘oilina mai ke ali‘i
  Mahalo e Pauahi lani nui
  Ha‘ina ‘ia mai ana ka puana
  Kaka‘ako ku‘u ‘āina aloha
  Kaka‘ako ku‘u ‘āina aloha
  Eō mai

  Source: Song Contest 2012 program

Something doesn't look right? Any missing info to share? Send me an email