Waipā

Aia lā i Halele‘a he makana no nā mamo
Waiwai ho‘oilina no nā ali‘i
Ke pā mai nei lā ka makani ‘Ōma‘okaulehua
Ho‘i nā ‘ōiwi i Waipā
Hui Mahi‘ai, kūpa‘a mau
I ke aloha o ka ‘āina
‘Ōili mai ke ahi i Makaihuwa‘a
E kau mālamalama i ka pō

Kāhiko mai ho‘i ‘o Māmalahoa
Hanohano wale i ka ua nui
Ua noe wale mai nei ke aloha
I ka liko o ka lani, ‘o Pauahi
Alu e nā kamali‘i alu like mai
Alu i ka ‘imi na‘auao
Ke au nei ka mana‘o o nā ‘ohana
E pili pa‘a mau me kulāiwi

Ke māpu nei ka makani ‘o Pu‘unahele
I uka o Mahinakēhau
Puana maila ke aloha i ka ‘āina lei ali‘i
Ha‘eha‘e i nā kupa o ka ‘āina

Source: Song Contest 2012 program