Nani Punaluʻu

‘O Punalu‘u, he ‘āina hiwahiwa ē

Aia ma Koʻolauloa ‘o ka ‘āina hiwahiwa
Pulupē ‘o uka i ka ua, ka ua kīkē hala o Punalu‘u
He waiwai nui ka lepo a kū mai ka ulu lā‘au
Kahe ka wai ho‘ōla a ‘ikea ka uluwehiwehi

Pā aheahe mai ‘o Moa‘e a holunape ka lau o ka niu
Kū kilakila nā Ko‘olau a pili a‘ela i ka lani
Iho mai nō ka hiwahiwa nona kēia ʻāina
Nāna e mālama a nāna e kōkua i ola mau nā kānaka

Hui:
Nani Punalu‘u, Nani Punalu‘u
Kahi a ka hiwahiwa
Nani Punalu‘u, Nani Punalu‘u
Kahi a Kamapua‘a

Na Keli‘ika‘apunihonua i huli i nā lima i lalo
He ola nō nā kamali‘i i ka ‘ai kaulana a Hāloa
Kāko‘o mai ke Ali‘i ‘o Pauahi lani nui
Mahalo ‘ia ka ho‘oilina ‘o ke aloha pumehana

Source: Song Contest 2012 program