About the Song
- Performed at Song Contest 2012
- Composed by Leonard F. Keʻala Kwan, Jr. and Kuʻualohanui Kauliʻa
- Arranged by Les Ceballos
- Directed by Ioane Camacho
- Scored 160/204 points
- Performed 3rd of 3 songs
Lyrics
‘O Wai‘anae ku‘u home aloha
Aloha Ka‘ala, kuahiwi nani ē
Nani Nānākuli, ho‘opulapula
Pūlama ‘ia Pu‘u Heleakalā
‘O ka lā wela i ke one o Mā‘ili
Ma‘alili ai, kai o Pōka‘ī
Kaiaulu ka makani, pā aheahe
A he ‘olu wale i ku‘u maka
Mākaha i ka nani, Mauna Lahilahi
Laha ‘ole kahakai o ka he‘enalu
He‘e ana i ke one o Keawa‘ula
Hā‘ula‘ula, ka ‘ili malihini
He ‘i‘ini ko‘u, nou e Ka‘ena
Nā lei momi o Heulu ē
Ha‘ina ku‘u mele, wehi o ka ‘āina
‘O Wai‘anae ku‘u home aloha
Eō e ka wahine hele lā o Kaiona
Nona ka pua lei o ka lāhui
Source: Song Contest 2012 program
