E Nihi Ka Hele

E ka moana nui kai hohonu
E lana mālie kou mau ‘ale
E ka makani nui ikaika
E pā aheahe mālie ‘oe

‘Ike iā Kaleponi he ‘āina anu
Ke hau ho‘okuakea i ka ‘ili
Lamalama i ka ‘ili o ke kama
Ka wahine i ka ‘iu o luna

E hele me ka poina ‘ole
E huli ē ke alo i hope nei
Eia kō lei kalaunu
‘O ka ‘ōnohi o Hawai‘i

Hui:
E nihi ka hele mai ho‘opā
Mai pūlale i ka ‘ike a ka maka
Ho‘okahi nō makamaka ‘o ke aloha
A hea mai ‘o Kalani a e kipa

Source: Song Contest 2014 program