Niʻihau Medley

• About the Song
  • Performed at Song Contest 2016
  • Scored 174/204 points
  • Directed by PhyllisMarie Dano
  • Composed by Kai Davis, Joseph Keoualani Kelley, and Elaine Kuʻuleialoha Kelley
  • Arranged by Kapalaiʻula de Silva
  • Performed 3rd of 3 songs
• Lyrics

  Niʻihau:
  Kaulana nō ‘oe nani Ni‘ihau
  Pūpū lei nani o ka ‘āina

  He nani hiehie ‘oi kelakela
  Ka lei ‘ā‘ī o Kahelelani

  Hō mai kou aloha pili me a‘u
  Ke aloha pumehana no Ni‘ihau

  Eō e Ni‘ihau i kou inoa
  Pu‘uwai ‘olu‘olu me ke aloha

  Ha‘ina ‘ia mai ana ka puana
  Pūpū lei nani o ka ‘āina

  Kuʻu Lei Pūpū:
  Aloha a‘e ana i ku‘u lei pūpu
  E kaulana nei a i nā malihini

  He lei momi ‘oe na nā kūpuna
  A he lei ‘ā‘ī na o‘u mau mākua

  Ua hana ‘ia ‘oe me ka no‘eau
  Nā u‘i like ‘ole o Kahelelani

  He waiwai ‘oe ke loa‘a mai
  He pono kaulike no ka lehulehu

  Hō‘ike a‘e ‘oe a i kou nani
  Ka mālamalama a puni ka honua

  ‘O ka Makua Lani ko‘u alaka‘i
  Nāna e kia‘i me ke aloha

  Ha‘ina ‘ia mai ana ka puana
  Ku‘u lei pūpū poina ‘ole

  Ha‘ina hou ‘ia mai ana ka puana
  Ku‘u lei pūpū e kaulana nei

  Source: Song Contest 2016 program

Something doesn't look right? Any missing info to share? Send me an email