Waʻa Hōkūleʻa

Ua ‘ike maka mākou,
Iā Hōkūle‘a
Wa‘a kaulua nani,
Me he manu i ka holo kai

Ua poho nā pe‘a,
I ke aheahe makani
Ho‘okele ‘ia a kūpono,
I ka hoe a nā akamai

I ke ala o Kahiki,
Ka holo Hōkūle‘a
Nā hōkū o nā lani,
Kou kia‘i alaka‘i

Ho‘okahi nō kia‘i,
Nāna nō e mālama
Ma loko nō o kona mana,
Nā holokai Hawai‘i

Puana ‘ia mai,
Wa‘a Hōkūle‘a
‘O mākou pū me ‘oe,
I ka holo a ho‘i mai

Source: Song Contest 2015 program