Hoʻokūkū Hīmeni
  • About the Song
  • Awards
    • George Alanson Andrus Cup
      Best men's performance
  • Lyrics

    Hoihoi ka pi‘ina a‘o Waimea
    I ka pā mai a ke kēhau anu
    ‘Akahi ho‘i au a ‘ike maka
    I nā wailele pālua i ka pali a‘o Waipi‘o

    Kilakila Maunakea me kona nani
    Helu ‘ekahi o ke ki‘eki‘e
    Pili mai Maunaloa, mauna kamaha‘o
    Home noho o ka wahine Pele mai Kahiki

    Hanohano Hualālai e kū maila
    E ho‘ohiwahiwa ana i nā Kona
    Aia lā nā kuahiwi o Kohala
    Ke holo a‘ela mai uka a ke kai

    Ma ‘ō aku o ‘Alenuihāhā
    Haleakalā o Maui o Kama
    Ha‘ina ka puana i lohe ‘ia
    Mahalo i ka nani o nā kuahiwi ‘elima

Video image