Wailua Alo Lahilahi

‘Ano‘ai wale ka hikina mai
Ka ‘ikena i ke anu o Wailua
‘Elua māua me ka hali‘a
I ka piko wai‘olu o Kemamo

Hui:
Nani wale Līhu‘e i ka la‘i
I ka noe a ka ua Pa‘ūpili
‘O ke ahe mai a ka makani
A ka Mālualuaki‘iwai o Lehua

Ho‘onā a‘e ana i ke aloha
Pehea lā ia e pau ai
‘A‘ole na‘e ho‘i e hiki
Ua ‘olu nahe, ‘olu i ka noe

Hi‘ipoi ‘ia iho ke aloha
I mehana ia pō anuanu
Mili ‘ia i ka lā o ka makemake
I ka lā a ka ‘ano‘i i hiki mai ai

Source: Song Contest 2018 program