Ka Wai Māpuna (Kokōhi)

E ka wai māpunapuna lā
E naue mālie nei i ka la‘i
Lipolipo launa ‘ole lā
Kauwahi ‘ale ‘ole iho

Hui:
Kokōhi, ‘ehehehe, i ka ‘ono, ‘ehehehe
Unahe i ka poli ka wai o Lohia
Pahe‘e, ‘ehehehe, ka momoni, ‘ehehehe
A he ‘olu ka ihona iho

Lei ana Hiku i ka noe lā
Ho‘ohihi Līhau i ka lipo lā
Ānehe ‘o ia ala e inu lā
I ka wai ‘ula ‘ili ahi

Iā ‘oe ka ‘uhene e ka wai
Ka nēnē li‘ili‘i i ke kulu aumoe
Ho‘ola‘i Kaua‘ula lā
Kālele nu‘a i ka palai

Source: Song Contest 2022 Lyrics