Hanohano Wale Nō Nā Cowboy

Hanohano wale nō nā cowboy lā
I ka lawe ha‘aheo i ke kaula ‘ili

Ua like ā like me ka mahimahi lā
I ka nihi hele i ka lae lā‘au

Huli aku nānā iā Maunakea
Pipi ‘āhiu hao winiwini

I uka mākou o ke kuahiwi lā
Ho‘ohei i ka pipi ‘āhiuhiu

Ho‘olei pono iho i ke kaula ‘ili lā
I ka lae o ka pipi ‘āhiuhiu

Ho‘olei pono iho i ke kaula ‘ili lā
I ka lae o ka pipi hao winiwini

Hāwele pono iho ke kaula ‘ili lā
Ka maku‘u o ka noho ‘Ītālia

Mai uka a ke kai hāwanawana
‘O Keoni li‘ili‘i ē ka luna nui

Hea aku mākou e ō mai ‘oe lā
‘O Keoni li‘ili‘i ke po‘o cowboy

Ha‘ina ‘ia mai ana ka puana lā
Hanohano wale nō nā cowboy

Source: Song Contest 2023 program