He Mele Lāhui Hawaiʻi

Ka makua mana loa
Maliu mai iā mākou
E hāliu aku nei
Me ka na‘au ha‘aha‘a
E mau ka maluhia
O nei pae ‘āina
Mai Hawai‘i a Ni‘ihau
Ma lalo o kou malu

Hui:
E mau ke ea o ka ‘āina
Ma kou pono mau
A ma kou mana nui
E ola, e ola ka mō‘ī

E ka haku mālama mai
I ko mākou nei mō‘ī
E mau kona noho ‘ana
Ma luna o ka noho ali‘i
Hā‘awi mai i ke aloha
Ma loko o kona na‘au
A ma kou ahonui
E ola, e ola ka mō‘ī

Ma lalo o kou aloha nui
Nā ali‘i o ke aupuni
Me nā maka‘āinana
Ka lehulehu nō a pau
Kia‘i mai iā lākou
Me ke aloha, ahonui
E ola nō mākou
I kou mana mau

Source: Song Contest 2018 program