Hawaiʻi Ē ʻO ʻOe Nō E Ka ʻOi

• About the Song
  • Performed at Song Contest 2006
  • Scored 187/204 points
  • Directed by Andrew Kinimaka
  • Composed by Lena Machado
  • Arranged by Les Ceballos
  • Performed 1st of 3 songs
• Lyrics

  Hawaiʻi ē, ʻāina kau i ka hano
  Hawaiʻi ē, auē au i kou nani
  Kuahiwi Mauna Kea me kona kapa hau
  Kau mai ke ānuenue me ke kilihune ua
  I hea ʻoe e ʻike ia nani kupaianaha
  Hawaiʻi ē, ʻo ʻoe nō e ka ʻoi

  Ua ʻike ia lā ka nani aʻo Pele
  Lapalapa ke ahi, lamalama nā lani
  ʻŪhīʻūhā mai ana, haʻa ana i ka nahele
  ʻOaka ana i ka lani, auē ka uʻi ē
  I hea ʻoe e ʻike ia nani kupaianaha
  Hawaiʻi ē, ʻo ʻoe nō e ka ʻoi

  I Waimea au i ka wā mālie
  Ua laʻi laulā nā kuahiwi ʻekolu
  Kūmaka au iā Mauna Kea, Mauna Loa, me Hualālai
  Me nā lani hāuliuli, auē ka uʻi ē
  I hea ʻoe e ʻike ia nani kupaianaha
  Hawaiʻi ē, ʻo ʻoe nō e ka ʻoi

  Source: Song Contest 2006 program

Something doesn't look right? Any missing info to share? Send me an email